ORANJESTAD – No opstante promesa di e gabinete anterior, awor e chèns ta chikí ku Aruba su di dos parke di mulina di bientu lo bini. E gabinete aktual no ke e parke na Urirama, un área di naturalesa na kosta nort.
E gabinete anterior lo a kambia e plan di ordenamentu espasial pa por pone 8 mulina di bientu di 3.3 megawatt. Pero promé minister Evelyn Wever Croes awor ta bisa ku e no ke e parke di bientu na e sitio aki i ku e ke ‘despedí komo amigu’di e eksplotadó.
For di e anunsio di e parke na 2009 tin resistensia. Espesialmente di e barionan den serkania. Tambe tin protesta pasobra e ta keda muchu serka di e kapia di Alto Vista, ku komo misa katóliko di mas bieu ta un destinashon turístiko popular tambe.
Pero eksplotadó Windpark Urirama NV a haña un pèrmit di molèster. Pero un grupo di habitante ta bringa esaki hopi tempu kaba. Gabinete ainda no a retirá e pèrmit i tin un kaso atministrativo ta kore ainda na Korte Komun.
Direktor di e kompania di eksplotashon Henk Hutting ta bisa ku e ta sigur di su kaso. “E wesnan a puntra abogado di gobièrnu direktamente kiko lo ta ilegal na e proyekto. E no por a kontestá. Tambe a rechasá e petishon pa posponé e trato di e kaso.” Sentensia ta riba 4 di yüni
Dilanti wes atrobe
Promé minister Wever-Croes ta bisa ku ta ‘intenshonalmente’ no a retirá e pèrmit di molèster pasobra e ora ei no por tene e prosedura di skucha. Esaki gabinete ke promé pa despues retirá e pèrmit pa e sentensia. I despues bai negoshá ku e eksplotadó.
E ta bisa si ku chèns ta grandi ku esaki lo hiba gobièrnu dilanti wes.
Wever-Croes ta kere ku e gobièrnu anterior a hasi ‘un kantidat di promesa ku ta bai hopi leu’ na e eksplotadó. Kua i kon gobièrnu ta mará na esakinan, segun e no ta kla ainda.