DEN HAAG – Boneiru, Saba i Sint Eustatius lo logra di produsí kuminda nan mes? Si ta na gabinete hulandes, gobièrnu lokal den e munisipionan karibense mester hasi mas nan bèst.
Awor ainda e islanan ta dependiente di importashon karu di por ehèmpel karni, fruta i bèrdura. Si ta na Tweede Kamer, produkshon lokal di kuminda mester kambia esaki lihé.
Gabinete hulandes ta bisa ku nan ke traha na esaki, rekuriendo na sientífiko di por ehèmpel Universidat di Wageningen i ministerio di Agrikultura. Den un karta, sekretario di estado Raymond Knops (Relashonnan den Reino) ta enfatisá ku e ora ei e ke mira sí ku polítika lokal ta duna su koperashon i dedikashon total na e proyektonan.
Na Boneiru i Sint Eustatius tin un klima seku i bestia a kome yerba dimas, loke ta hasi e situashon pa agrikultura i kria di bestia mas difísil. P’esei, promé ku e islanan mes por produsí kuminda na gran eskala, mester desaroyá un maneho spesial i inovativo pa e islanan.
Si e islanan pa medio di agrikultura i hortikultura bira mas outosufisiente, segun gabinete esaki lo yuda kombatí pobresa tambe.
Hulanda ta enfatisá koperashon di e islanan
Bon gobièrnu ta un eksigensia pa “por ehekutá e programanan aki”, segun Knops. “Esaki ta pidi pa e gobièrnu lokal na e islanan ta desididu i tin kontinuidat i pa ehekushon lokal di proyekto di kua konfiansa i commitment ta e puntonan di salida.”
Desaroyo positivo na Boneiru, Saba i Sint Eustatius
|
