Pòrtrèt: Sharina Henriquez

PHILIPSBURG – E kaminda di tira shushi meimei den kapital Philipsburg, awor ku orkan Irma a bira un problema mas grandi ainda, pa seguridat i salubridat di hende riba kasi henter e isla.

Carlos Mendez tin 20 aña kaba ta traha na e tiramentu di shushi. For di dia di e orkan e ta biba ei tambe ku su kasa i su yu. “Mi a pèrdè mi kas den orkan, ta p’esei mi a bini aki.”

Brantwer ta bisa ku ta di 32 bia kaba e aña aki ku nan mester ranka sali pa un un kandela na e dùmp. Nan ta sali solamente pa kandela grandi ku vlam. Pasobra ta kontinuamente e dùmp ta keda sombra di e gasnan bou di tera komo konsekuensha di e shushi ku a basha huntu.

‘E dùmp ta un bòm kla pa bula’- Ministerio Públiko Sint Maarten

E minister responsabel Miklos Giterson na momentu di su nombramentu kuminsamentu di e aña aki a yama e dùmp ‘un asesino gigantesko’. Despues Ministerio Públiko (OM) a kuminsá un investigashon penal. E dùmp ta un bòm kla pa bula, OM a konkluí kaba. Banko Mundial tambe ta envolví den kuadro di rekonstrukshon despues di Irma, pa yuda ku un solushon duradero.

E habitantenan den besindario i tambe di otro bario manera Belair, St. Peter i Cole Bay ta sképtiko. Tin di nan ta muda pa bario kaminda tin ménos molèster. Pero esaki ta bira mas i mas difísil. E dùmp bieu di mas ku 30 aña ta krese ketu bai, te 42 meter di haltura aktualmente. Orkan Irma so a trese un kresementu di 30 porshento.

E restonan di demolishon di e orkan ta den un dùmp nobo ku a surgi, ku nan ta yama ‘baby dump”. I esaki tambe ta na kandela regularmente. Awor tin un di tres dùmp ta lanta na Port de Plaisance, asina OM ta bisa, kaminda ta benta barku kibrá i fibra di glas.

‘E holó t’ei tur dia, ora no tin kandela tambe’- empresario Susan Piscione

Susan Piscione huntu ku su kasá tin un negoshi di baiskel na Simpson Bay. Na un distansha di un 10 kilometer di e dùmp, pero nan tambe tin molèster. Tin bia nan no por traha den e ofisina tras di e negoshi, pa motibu di e huma. “E holó t’ei tur dia, ora no tin kandela tambe. Hende a kustumá kuné. Pero mi ta masha prekupá si. Pa e konsekuenshanan pa salú.

Ku orguyo e ta bisti un T-shirt ku Laurens Pfennings a traha, kende ku esaki ke duna un señal kla i ku ta spera di motivá mas hende pa hasi algu. Riba e T-shirt tin pará: ‘I survived Irma only to be poisoned by the dump’. Piscione: “Hende ta poko lakóniko aki. Tòg mi ta kere ku awor si nan a fada.”

Gobièrnu ta keda ménos ku 1 kilometer di e dùmp – potrèt: Sharina Henriquez