Portrèt: Natasja Gibbs

12 March 2019 | Natasja Gibbs

LEEUWARDEN – Riba inisiativa di studiante mbo Fabiola Kook djaweps un grupo di hulandes karibense prekupá a topa na Leeuwarden. Meta: kritiká severamente e ‘Maneho di antiano’ kontroversial serka miembro di konseho munisipal Julie Bruijnincx (D66).

“Ken ta sali na nos defensá?”, e habitantenan karibense presente na Leeuwarden ta puntra. Polítiko karibense i organisashon di interes, ku fin di 2018 a ekspresá nan mes ku indignashon tokante e Maneho di antiano di Leeuwarden, segun e habitantenan aktualmente ta remarkablemente ketu. Fabiola Kook di 21 aña di edat di tur manera no ke warda mas.

Kòrsou, Aruba i Sint Maarten ta keda ketu
Miéntras e hulandesnan karibense envolví ta pidi aklarashon tokante e plannan kontroversial, polítika karibense na Hulanda ta remarkablemente ketu. Den e agènda di Seguridat e munisipio ku énfasis ta hala atenshon riba e mudamentu di ‘antiano sin perspektivo’ for di e islanan.

Na desèmber promé minister Eugene Rhuggenaath kontra Ret Karibense a ekspresá su indignashon tokante e plannan, pero ora a puntra a bin sali ku no tabatin kontakto ku Hulanda mes último lunanan.

‘Gabinete no tabatin kontakto ku instanshanan òf munisipio’-Minister plenipotensiario di Kòrsou

“Gabinete no tabatin kontakto ainda ku instansha òf ku munisipio Leeuwarden”, segun Anthony Begina, e representante di gobièrnu di Kòrsou na Den Haag. Awor na nòmber di promé minister di Kòrsou e ke bai wak kiko ta posibel. “Gabinete ta habrí p’esaki si.”

Kas di Sint Maarten na Den Haag tambe a laga sa ku ‘no tabatin kontakto ku instansha òf munisipio Leeuwarden’ tokante e kestion aki. Kiko e ròl di Aruba tabata te aworakí, no ta konosí. A pidi e representante di gobièrnu di Aruba pa un reakshon vários bia.

Ta ken ta ‘e antianaonan ei’?
Ta konosí ku polítika di Sint Maarten i di Aruba no ta sinti ku ta toka nan ora ta papia di sifra i estadístika di antiano na hulanda. Ta un ‘klasifikashon generalisá’ ku ‘no ta bisa mashá tokante e porsentahe di hende di Sint Maarten’, Kas di Sint maarten a deklará anteriormente. E mayoria di mas grandi di loke na Hulanda nan ta yama ‘antiano’ lo ta binidero di Kòrsou.

Kiko e Maneho di antiano na Leeuwarden ta enserá?

E Maneho di antiano manera e ta deskribí den e Agènda di Seguridat 2019-2023 di munisipio Leeuwarden ta konsistí di dos faktor: represhon i prevenshon.

Represhon
Asina munisipio ke prevení pa ‘antiano sin futuro’ muda pa Leeuwarden for di Rotterdam òf Kòrsou. Algun di nan lo ta kousa probema ei riba. Trafikashon di droga i atrako lo ta representativo pa e grupo aki, asina por lesa den e agènda di seguridat di Leeuwarden.

Prevenshon
Tambe bou di hulandes antiano segun e Agènda di Seguridat ta reina ‘un problemátika sosial persistente’: Dependensia di onderstant, problemátika di edukashon, embaraso di tiner i kita skol promé ku kaba skol’. E grupo aki ke yuda munisipio ku e Maneho di antiano.