ORANJESTAD – Dòkter di kas Giel ku tin un ofisina di dòkter na San Nicolas, parse ta kontaminá ku e viro di corona. Tabata konosí kaba ku su kasá a haña e kontaminashon durante nan vakashon na New York.
E dòkter ta kompartí un ofisina di dòkter ku dos otro médiko, Boderie i Wever. A yama e pashèntnan di e tres médikonan pa mira si nan tambe ta kontaminá. E dòkternan di kas ta den karentena.
Den e gremio médiko ya tin poko dia kaba ta tende krítika ku no ta tèst basta pa evitá mas kontaminashon. Esaki pasobra e viro ta komportá diferente den hende i asina e síntomanan no ta inekivokabel.
For di djabièrnè 13 di mart Aruba tin tres kaso di corona: Un consultant merikano ku tabata traha na e kompania di awa i koriente WEB i e dòkter di kas i su kasá. E tempu ei Aruba a skohe pa tene solamente buelonan oropeo afó i no e kantidat di buelo merikano ku ta trese e mayoria di turista pa e isla.
E motibu pa esaki tabata ku e sentro di e epidemia tabata na Oropa, minister di Salubridat Públiko Dangui Oduber ta aklará. Entretantu gobièrnu a amplia e prohibishon pa bula pa tur pais, ke men Merka tambe. E prohibishon a drenta na vigor riba 17 di mart.