ORANJESTAD – Hulanda a bai di akuerdo tòg ku e fiansa sin interes di 113,3 mion florin (mas o ménos 58 mion euro) na Aruba, despues di konfushon ora Konseho di Minister di Reino a kaba djabièrnè pasá.
“Algun ora despues di e konferensha di prensa di Aruba, Aruba a laga sa ofishalmente na Hulanda ku e ta di akuerdo ku e kondishonnan i ku por duna e fiansa”, un bosero di sekretario di estado Raymond Knops (Relashonnan den Reino) a bisa.
E bosero ta konfirmá ku e pakete di fiansa en bèrdat tin 63,9 mion florin ku ta pasa mésora i ku pa e di dos parti di 49,4 mion florin e instansha di vigilansha Caft mester duna lus bèrdè ainda.
Konfushon
Tabatin konfushon djabièrnè pasobra sekretario di estado Knops despues ku Konseho di Minister di Reino a kaba a bisa ku ainda no tabatin un desishon tokante e sosten finansiero na Aruba, Kòrsou i Sint-Maarten. E islanan mester a konsultá ainda ku nan apoyo polítiko tokante e kondishonnan hulandes na e ayudo.
Pero gabinete arubano mésora a pone un konferensha di prensa pa bisa ku sí tabatin un akuerdo den Konseho di Minister di Reino. Loke despues Knops a ninga. E karta ofishal kaminda Aruba ta indiká di ta di akuerdo ku e kondishonnan hulandes a yega algun ora despues di e konferensha di prensa ei.
Un di e kondishonnan ta ku ámtenar arubano i esnan igual banda di salario tambe mester entregá indeksashon. Esaki a kousa reakshon di sorpresa di espesialmente e sindikatonan na e isla, ku a bisa ku nan lo reakshoná ofishalmente ainda riba esaki.
Iritashon aktitut di Hulanda
Na Kòrsou e iritashonnan tokante kon Hulanda ta ekspresá su mes tokante e isla ta oumentá. Lesa mas tokante di esaki : Ainda no a tuma desishon tokante e miónes di Hulanda pa e krísis di corona na Aruba, Kòrsou, Sint Maarten