ORANJESTAD – “Nos ke pa tende nos, nos ke rèspèt”, e ámtenarnan, dosentenan i polisnan ta kanta den un demonstrashon huntu kontra e ekonomisashonnan di gabinete arubano ku a fòrsa espesialmente pa motibu di e eksigensianan hulandes pa ayudo.
“Hende ta bisa ku nos no ke ta solidario. Nos ta si, i nos ke entregá sigur. Pero e ministernan ta djis hasi nan kos tras di nos lomba sin konsultá nos. E ora ei nos no sa kon ta pará ku nos”, un dosente di enseñansa sekundario ku ta protestá ta bisa.
Algun sentenar di hende a duna oido na e apelashon di e bònt di enseñansa Simar, bònt di polis SPA i bònt di ámtenar Seppa pa protestá. E bòntnan a entregá karta i petishon na parlamento.
Kombersashon djaluna
Promé minister arubano Evelyn Wever-Croes ta bin tuma esakinan personalmente huntu ku e ministernan kolega. Aktivista, prensa í minister durante di esaki no ta tene nan mes na e konseho pa tene distansha di otro.
Wever-Croes ku masha gritamentu di e demonstrantenan ta splika ku Aruba ta bou di hopi preshon di Reino pa kumpli ku e eksigensianan di e ayudo. “Pero djaluna awor nos lo drenta e diálogo ku boso”, e ta primintí e sindikatonan.
E pregunta ta keda kiko por alkansá ku un diálogo asina. Den e debate ku Tweede Kamer gabinete hulandes a laga sa kaba ku nan no ta habrí mas pa un diálogo ku e islanan tokante e kondishonnan di ayudo.
Eksigensia di Hulanda
Aruba, Kòrsou i Sint-Maarten ta haña ayudo den e krísis di corona solamente si nan akseptá tur e kondishonnan hulandes i ehekutá nan rápidamente. Lesa mas tokante di esaki.
Tòg Magaly Brito di bònt di ámtenar Seppa ainda ta boga pa Hulanda duna espasio na Aruba pa por tene e diskushon propio tokante e ekonomisashonnan. “Kisas huntu (sindikato i gobièrnu, red.) nos ta yega na mas ekonomisashon ku loke Hulanda ta eksihí aktualmente.”
E protesta no tabata solamente tokante ekonomisashon, sino tambe tokante di e fayonan den enseñansa. Skolnan ta bisa ku nan tin problema pa introdusí e medidanan di corona.
Skolnan no ta coronaproof
Skolnan na Aruba por a habri djaluna despues di dos luna. Pero hopi di nan a tene nan portanan será pasobra e tempu tabata muchu kòrtiku pa introdusí tur e medidanan di seguridat. Lesa mas tokante di esaki.
E demonstrashon a lòs hopi reakshon negativo bou di Arubano. Espesialmente den social media tabatin hopi komentario durante i despues di e protesta kontra amtenar i otro aktivista.
“Trahadónan den e sektor privá a pèrdè 50 te 100% di nan salario. Pakiko nan (ámtenarnan red.) mester komportá asina egoista awor ku henter e pais ta den krísis”, segun un reakshon.