ORANJESTAD – ‘Suerte’ e promé minister di Aruba ta yama e echo ku Aruba riba so mes a sa di haña sèn atrobe, pa sin sosten di Hulanda por paga su fakturanan na sèptèmber i òktober.
“Naturalmente fia serka Hulanda ta kumbiní mas na 0 porshento di interes. Pero si nan no ke yuda nos, nos ta yuda nos mes. I e bon notisia ta ku awor nos por yuda nos mes”, promé minister Evelyn Wever-Croes ta bisa.
Promé minister Evelyn Wever-Croes -potrèt: Sharina Henriquez
E negosiashonnan entre Aruba i Hulanda tokante e kondishonnan pa e di tres fiansa di corona di 204 mion florin (kasi 96 mion euro) ta pegá for di yüni. Aruba tabatin mester di e sèn urgentemente pa por kubri yüli, ougùstùs, i sèptèmber komo konsekuensha di e krísis di corona.
Na ougùstùs di repente tòg e isla tabatin sèn pa nan mes paga. Despues kuminsamentu di sèptèmber promé minister a bisa ku tin sufisiente atrobe pa por lora te mitar di e luna aki, i e ora ei sí lo el a kaba. P’esei e promé minister a deskribíeE negosiashonnan ku Hulanda komo ‘Hulanda ku un pistol kontra di nos kabes’.
Pero tòg atrobe e isla a haña un ‘porta’, Wever-Croes ta bisa awor. E detayenan lo a bira konosí pa mas lat riba 15 di sèptèmber. Minister di Finansa Xiomara Maduro sinembargo ta bisa: ”Ainda nos no ta kla, mester kaba e proseso promé ku por hasi e detayenan públiko.” (Update: 16 di sèptèmber gobièrnu ta anunsià ku Banko Sentral di Aruba lo emití un fiansa di bono di 168 mion florin (kasi 79 mion euro) na un interes di 5,3% i pa un periodo di 7 aña)
‘Mi ta spera ku nos mes por sigui haña sèn’ -promé minister Evelyn Wever-Croes
E fiansanan aki en todo kaso ta sòru pa e isla haña su mes mas tantu den debe. Espesialmente pasobra nan ta mas karu ku e fiansanan ku Hulanda ta duna. Pero ainda Aruba no por bai di akuerdo ku e kondishonnan di e fiansanan di Hulanda.
Riba e pregunta ku ta ki sorto di seña Aruba ta duna ku esaki Wever-Croes ta bisa: “Mi ta spera ku nos mes por keda haña sèn. Ta asina ku nos tin suerte i kisas no por keda haña suerte. Pero no ta masha responsabel, huisioso pa bai solamente pa suerte.
Aruba ta bisa ku kon ku bai bini nan tin un ‘buraku’ di 136 mion florin (kasi 64 mion euro) e aña aki ku nan mester haña sèn p’e. Esaki pasobra Hulanda ta laga e di tres término di fiansa di corona drenta na vigor te ora ku e isla bai di akuerdo ku e kondishonnan.