Portrèt: Direktiva di Salubridat públiko

ORANJESTAD – Gobièrnu ta sigui kompartí dato médiko i personal di hende ku ta hasi tèst di corona, entre otro nan a kompartí esaki ku un kompania komersial. Esaki ta sali for di informashon ku Ret Karibense tin.

Fin di ougùstùs un lista di dato di pashènt a lèk for di e app di corona arubano. Masha lihé minister di salubridat Dangui Oduber a mustra ku un dede akusadó riba riba e oposishon polítiko. Lo a kompartí e lista den un sírkulo masha chikí, Oduber a bisa.

pashènt perhudiká Anthony Schouten (na hulandes)

Download de audio hier
.

Pero for di medida ku a tuma despues di e lèkmentu, a sali ku gobièrnu no a hasi mashá pa protehá dato di pashènt i ku e sírkulo tabata hopi mas grandi. Paso ta despues di e lèkmentu numa gobièrnu ta eksihí di tur hende ku ke informashon médiko ‘un motibu bálido pa esaki i aprobashon’. Tambe e firmamentu di un deklarashon di sekresia ta awor numa a bira obligatorio.

Segun diferente lei arubano dato médiko segun prinsipio por kompartí solamente entre dòkter i pashènt. Tin eksepshon pa motibu di enfermedat kontagioso, pero esaki por sosodé solamente bou di kondishonnan estrikto. Ademas e pashènt mester sa pa kiko ta usa su informashon médiko i duna pèrmit si kompartí esaki ku terser partido.

‘No por ku gobièrnu ta duna dato médiko na dunadó di trabou’- abogado Desirée Croes

Pero hende ku a usa e app di corona arubano i di ken informashon a lèk, ta bisa ku niun hende no a informá nan ku lo kompartí nan informashon ku otro partido tambe. Ademas Direktiva di Salubridat ke kompartí e datonan konfidensial ku instanshanan ku ta trata ku ousensia debí na enfermedat pa motibu di Covid-19. Un di nan un kompania komersial, pues.

Abogado Desirée Croes ku ta representá un grupo di dies pashènt perhudiká pa e lèkmentu, ta haña ku ‘no por’ pa gobièrnu duna dato médiko na dunadó di trabou.

Banda di esaki Direktiva di Salubridat Públiko ke manda dato di pashènt tambe pa partido ku tin un adrès di hotmail óf di gmail. Miéntras ta konosí ku e ofresedónan di mail aki ta ménos seif pasobra nan por wak òf lesa huntu. Na 2018 por ehèmpel e Outoridat Hulandes di Dato Personal a avisá médikonan ku nan ta violá e sekreto di profeshon si nan sigui manda dato di pashènt via e tipo di sistema di mail aki.

Kehonan entregá
Siman pasá mes e promé minister arubano a bisa: “Nos ta garantisá tur hende ku e informashon sekreto di pashènt ta keda sekreto. Nos a drecha e foutnan ku tabatin.” Entre otro e ‘prosedura ta henteramente diferente i tin hopi mas kòntròl’, segun e promé minister ku ademas no ke bisa nada mas aleu tokante e investigashonnan di e lèkmentu.

Gobièrnu a entregá keho serka Ministerio Públiko pa un investigashon penal. Banda di esaki tin un investigashon interno ta kana serka Direktiva di Salubridat Públiko for di kua a sali ku en todo kaso no ta trata di un hack. Ademas dies siudadano a entregá keho, tambe kontra e direktor i minister di Salubridat Públiko. Pasobra nan tambe ta sospechá negligensia grandi òf deskuido’ den e plamamentu di informashon personal.

E app di corona arubano/potrèt: Direktiva di Salubridat públiko