WILLEMSTAD – Hòspital CMC ta para operashon no urgente pasobra no tin sufisiente personal. Mas ku shen empleado ta kontagiá i ta den isolashon; otro ta den karentena pasobra nan tabatin kontakto estrecho ku persona kontagiá.

Entretantu e kantidat di kontagio ta subi: awe (5 di yanüari) a bini mas ku mil kaso aserka i awor tin por lo ménos 5700 kontagio aktivo na e isla ku tin 165 mil habitante (inkluso esnan indokumentá).

Tòg e atmishonnan den hòspital no ta asina hopi, ku 31 pashènt di corona di kua 7 ta den intensive care. Pero pa motibu di e falta grandi di personal, e hòspital por garantisá kuido intensivo pa solamente 10 pashènt. Normalmente tin sufisiente kuido pa 16 pashènt.

No tin lugá pa e pashènt di icu ‘normal’
Pashent ku no tin corona i ku mester di kuido intensivo, a kue awa. CMC ta bisa ku nan no tin lugá mas pa pashènt asina. P’esei nan ta den speransa ansioso di 12 persona èkstra ku ta bini di eksterior. Kòrsou a pidi yudansa pa esaki na gobièrnu hulandes.

Siman pasá mes e promé minister di Kòrsou Gilmar Pisas a bisa Ret Karibense ku e ta evaluá un toke de keda mas largu. Ounke hòspital a proponé pa introdusí esaki kaba pa motibu di e oumentonan alarmante di e kontagionan. Gobièrnu e siman aki a kambia esaki lihé: for di 4 di yanüari siudadano no por subi kaya entre 1 or i 4.30 or di anochi