ORANJESTAD – Pa evitá ku hopi hende ta akudí i asina evitá e riesgo di mas kontagio di corona, Aruba ta digitalisá un parti di e proseso di elekshon i votamentu. Asina e pas pa vota ta bini ku un kódigo QR ku riba dje e datonan di e votadó i ta skèn e biyete di vota na momento ku e votadó ta tira esaki den e buson elektoral.
Ku e último aki e resultadonan (preliminar) di e elekshon ta bira konosí hopi mas trempan, Sharin Luydens ta splika. E hefe di Registro Sivil (Censo) ademas ta informá ku e kantidat di ofisina elektoral ta bai di 62 pa 70. Pa asina evitá paramentu den rei.
Di e manera aki nos ke pa na kada ofisina elektoral por akudí 1050 votadó. Espesialmente na Noord nos a mira ku nan ta muchu grandi. Hopi hende ta keha e ora ei pakiko nos no por vota na e ofisina elektoral di kustumber manera semper. Pero esaki no por awor i aworó e ta subi pa 2000 pa ofisina elektoral. Esei ta imposibel, sigur awor ku Covid.”
Digitalisashon na e ofisina elektoral
Luydens ta enfatisá ku digitalisashon no ke men ku hende por vota elektrónikamente “Esei ta duna un impreshon robes. Ta trata di digitalisashon di e proseso atministrativo pa asina tur kos bai mas lihé.”
Loke ta kambia konkretamente ta: E votadó ta drenta e ofisina elektoral ku e karchi di vota i en bes ku e presidente di e ofisina elektoral yama e number korespondiente pa despues un otro hende habri un buki i ta anotá esaki, den futuro ta skèn e kódigo QR i e presidente ta mira esaki riba un tablet. Despues di e kòntròl e votadó ta haña e formulario di vota i ora di tira esaki den e urna, ta skèn e voto.
Ora e ofisina elektoral sera shet’or di anochi, nan lo por saka e resultadonan di biaha i un chep ku e datonan ta bai Censo kende ta partisipá e resultadonan (provishonal). “E kolaboradónan di e ofisina elektoral e ora ei sin preshon i sosegá por habri e urnanan i surti e biyetenan i kompará ku e resultadonan di skèn”, segun Luydens.
Segun e ta trata di un sistema kanades ku tambe a usa den elekshonnan merikano.
20 partido registrá
Tin kambio tambe den e kolekshon di firma pa e partidonan polítiko ku no a haña asiento den elekshon anterior. Senso awor a divulgá e lista di partido ku a registrá. Ta 20 pasobra awor a sali ku un di tres partido nobo a mèldu promé ku e fecha final: Pueblo Promé di Jan de Ruijter e Michael Williams.
Pero Luydens ta bisa ku e no sa kuantu partido (bieu) registrá ke partisipá atrobe. “Mi sa ku poko tempu ei polis a invitá esnan ku ta partisipá serio tokante e reglanan.” E tempu ei polis a bisa Ret Karibense ku ta trata di 9 pa 10 partido.
Esnan ku berdaderamente por partisipá na e elekshonnan, pues ta dependiente di si nan haña sufisiente firma. Votadónan por firma personalmente na e ofisina di Censo na LG Smith Boulevard i e sitionan èkstra MFA Savaneta, òf MFA Noord, a bira konosí awor. Un votadó por firma pa 1 partido, Luydens ta enfatisá.
Momento di vota
E entregamentu normal ku parada i fiesta di e lista di kandidato e bia aki ta sosodé di un forma oustero riba 7 di mei: por hasié digitalmente òf e partido ta traha un sita i por bin entregá esaki ku maksimalmente 2 persona.
Papiando di palabrashon: riba e karchi di yamada pa bin vota Censo ke pone un tempu pa e votadó. Luydens: “Si bo no bini na e ora ei, OK, esei ta bo derecho. Pero nos ta spera di limitá e yegada masal di e votadónan. Pues nos ta pidi tur hende su koperashon.”
Un polis pa ofisina elektoral
Un di e problemanan ku tabatin durante e elekshonnan na Kòrsou i ku despues tabatin un brote mortal di corona, ta ku durante e votamentu tòg e partidonan a akudí masalmente. I no a tene distansha òf keda ku tapaboka bistí. Ademas polis apénas a intervení.
Luydens: Nos no ta trata órden públiko i mantenshon di medida di corona. Nos a palabrá sí ku na kada ofisina elektoral lo tin 1 polis. Pero no ta nos ta trata di intervenshon òf nò. Nos ta spera sí ku tur hende, e partidonan polítiko tambe, lo duna e bon ehèmpel.
A adelantá elekshonnan arubano i nan ta tuma lugá riba 25 di yüni.