DEN HAAG – Gabinete hulandes ta hasi un apelashon urgente na e islanan. “E bakunanan ta serka di pasa e fecha te ku kua por warda nan. Por fabor, usa e bakunanan ku ta den frishidèr ainda!”
Sekretario di estado demishonario di CDA Raymond Knops (Relashonnan den Reino) ta haña ku ta “preokupante” ku espesialmente na Sint Maarten i Sint Eustatius hende ta keda sin usa e bakunanan masalmente. Na Sint Eustatius ta trata di ménos ku mitar di e habitantenan (45 porshento) ku a bakuná. Na Sint Maarten ta solamente 35 porshento.
Prekupashon grandi den Tweede Kamer
Tweede kamer ta prekupá pa e idea ku aworó e bakunanan ta resultá ‘den hèmber di sushi’. “No por t’asina ku aworó e fecha di vense di e bakunanan a pasa i mester tira nan afó, kaminda na Hulanda i hopi otro parti di mundu hende tin masha nesesidat di un bakuna.
Meskos ku D66, CDA i PvdA, VVD tambe ta haña ku gabinete mester hasi un apelashon urgente. “Ta importante tambe pa ekonomia. E temporada di turista ta yegando i no por t’asina ku ta sera e islanan atrobe”, parlamentario di VVD Aukje de Vries ta haña.
‘Manda e bakunanan ku a sobra Sürnam’
D66 ke, pa si no tin otro moda, manda e bakunanan Sürnam antó. “Ei nan tin kódigo pretu. Kuido ei ta sukumbí i kada dia ta konta”, segun parlamentario Jorien Wuite. “Òf: na e islanan karibense ta sobra bakuna i un buelo di un ora i mei mas leu tin masha nesesidat na Sürnam. Mester por transportá nan, maske ta 10 mil bakuna.”
Gabinete di tur manera ke prevení ku mester tira e bakunanan afó na e islanan. “Nan ta na disposishon di e hende nan ei sí, pero nan no ta keda para ei eternamente”, Knops ta konfirmá serka Tweede Kamer.
Na e islanan sí tur edat por bakuná
Pa motibu di e eskala chikí gabinete hulandes ‘mésora’ a disidí pa bakuná tur hende na e islanan sin wak edat mas pronto posibel. “Tin bia eskala chikí ta un bentaha”, segun Knops. “Nos a bisa: asina por bakuná, nos ta bai yuda e islanan mas pronto posibel. No komo último, sino komo promé, Mi a haña esaki simbóliko pero bunita tambe.”
E aspirashon tabata pa bakuná tur hende promé ku promé di yüni, pasobra e ora ei e temporada di orkan ta kuminsá. Knops no ta haña ku ta solidario ku grupo grandi di habitante no ta usa e bakunanan di Hulanda.”Ku esaki bo ta pone salubridat públiko tambe na peliger si asina tiki hende bakuná.”
Kontrali na Hulanda, asta hóben por bakuná. “Kaminda na Hulanda hende bou di 55 aña ainda no ta haña bakuna, ei tur kos tabata kla pa bakuna. Na mes momento hende aki si tabata warda e bakuna ei i asta tin hende ku a muri ku no a bakuná ainda.”
‘No por tene frontera será’
Poko poko ta habri e islanan pa mundu. Pa alkansá imunidat di grupo, pa e vírùs no por plama mas, segun e sientífikonan un mínimo di dos terser parti di poblashon mester a bakuná. Si suavisá e medidanan mas aleu, tin e riesgo ku diferente di esnan ku a nenga di bakuná lo bira hopi malu.
E gabinete demishonario ta di akuerdo ku mester habri e fronteranan pronto. “No ta un posibilidat pa tene un isla manera Sint Eustatius será te den eternidat. Un djis henter mundu a bakuná i lo bini tráfiko.
“No opstante tur kampaña i apelashon e otro hendenan no ta bini.”, Knops ta mira. “Si ta trata di kaso médiko i hende hopi malu, un isla manera Sint Eustatius a sali for di e krísis di corona relativamente ku poko daño. Esei ta krea un sorto di seguridat falsu. Ta manera p’esei e realisashon pa bakuná ta ménos grandi.”
No ta tur isla ta bai dje malu ei manera Sint Eustatius i Sint Maarten. Na Saba asta nobenta porshento di e habitantenan a bakuná kaba. Na Boneiru setenta porshento a haña por lo ménos un angua. Na e isla bisiña Kòrsou meskos. Ei e atmishonnan na hòspital a baha drástikamente.
Gobièrnu di Sint Maarten ta trata ku kampaña pa konvensé hende di bai bakuná. Es ku bakuná despues di promé di yüli lo mester paga p’é.