ORANJESTAD – Si awe meinta ainda instalashon di parlamento nobo tabata e notisia di mas grandi, djis despues a alkansá esaki ku e notisia sorprendente ku e partidonan MEP i RAIZ mas lat den anochi lo firma un deklarashon di intenshon pa huntu forma un gobièrnu di koalishon nobo.
Awe meinta na parlamento ainda tabatin un protesta chikí di simpatisadó i oponente di e desishon pa no huramentá e parlamentario Benny Sevinger ku a re-elegí. E polítiko di AVP tabatin simannan será den prizòn bou di sospecho di korupshon Tòg durante elekshon riba 25 di yüni 1614 hende a vota p’e, sufisiente pa re-eligié.
Pero un dia promé ku e instalashon gobernador a laga sa ku e no ta laga huramentá Sevinger pasobra awor e no por traha komo parlamentario pa motibu di su detenshon provishonal. Asina esaki ta posibel atrobe gobernador lo hurament’é.
Parlamento nobo di Aruba – potrèt: Petra Trinidad
“Si e tabata aki lo tabata kompletamente diferente” promé minister demishonario i polítiko re-elegí Evelyn Wever-Croes (MEP) ta bisa durante instalashon di parlamento. “Mi ta apresiá ku e kos a bai asina pasobra esaki ta duna parlamento mas rèspèt.”
Pero lider di AVP Mike Eman, ku tambe a re-elegí, ta bisa tokante e ousensia di su kompañero den frakshon Sevinger: “E ta hasi hopi doló. No solamente den sentido di polítika, sino tambe un hende ku bo konosé mas ku 20 aña kaba.”
E firmamentu di e deklarashon di intenshon entre e lidernan Evelyn Wever-Croes (MEP) i Ursell Arends (RAIZ) ta tuma lugá anochi serka e faro na kosta wèst di Aruba. Arends ta usa esaki simbólikamente den su spich. E ta para komo forsa di boluntat i komo faro tambe di speransa, e polítiko ta bisa, i komo aviso pa kambia bo rumbo.
“MEP i RAIZ ke un époka nobo den polítika. No pone otro un banda, sino ku tur hende, famia, ruman, pareha, por biba na pas banda di otro. Nos ta spera ku e mensahe aki ta alkansá parlamento tambe, i e partidonan nobo den dje. E temporada nobo mester kuminsá den parlamento.”
Wever-Croes ta usa e faro pa tira lus riba e importansha di integridat pa e akuerdo di koalishon. Pa ámbos partido esaki ta un punto prinsipal pa formashon di un akuerdo di koalishon.
Ademas e ta menta: e akuerdo ku Hulanda, loke ta forma e hilu kòrá den e rekuperashon di Aruba; rekuperashon ekonómiko ku e fókùs riba empleo; e finansanan di gobièrnu den balansa; desaroyo duradero i medio ambiente; derecho sosial; kuido pa hende grandi di edat, mucha i hóben, pone e persona sentral.
“E puntonan aki nos ta bai elaborá ariba e dianan binidero”, segun Wever-Croes. Ainda e no por duna un deadline, pero sí e ta bisa: Nos ke yega na un akuerdo mas lihé posibel. Awe ta e promé paso tambe den esaki, sino nos lo no tabata pará aki.”