SAN NICOLAS – E polítiko sospechoso di korupshon Benny Sevinger a haña su libertat adelantá despues ku anteriormente riba e dia ei el a gana un kaso den korte pa alkansá esaki. Esaki ke men ku awor sí e por drenta parlamento despues ku a re- elegié riba 25 di yüni.
Un grupo di partidario masha entusiasmá ta warda e liberashon di Sevinger serka e prizòn arubano KIA na San Nicolas. Entre nan tambe Mike Eman, lider di e partido di oposishon AVP ku Sevinger ta pertenesé na dje. E partido ta keda para ariba ku ta trata di persekushon polítiko i no estafa di tereno di gobièrnu.
Outor Petra Trinidad
Durante e elekshonnan di parlamento resientemente e famia di Sevinger a hiba kampaña i ku éksito: Sevinger tabata riba e último lugá elegibel pero a skoh’é ku voto di preferensia.
Despues na Aruba i asta den eksterior hende tabata puntra nan mes ta kon gobernador ta bai huramentá e polítiko será den prizòn. Na último momento gobernador a laga sa ku ta hasi esei te ora Sevinger por hasi su trabou komo parlamentario atrobe.
Un Sevinger emoshoná ta bisa dilanti porta di prizòn ku su abogado lo manda un karta pa gobernador ku e petishon pa instal’é mas lihé posibel. Ademas e ta deklará di bini ku informashon for di kua lo sali ku no solamente e ta inosente sino ku ta otro polítiko (oponente polítiko) ku sí ta kulpabel na mal práktika.
A konkluí e investigashon hudisial
Ministerio públiko den un deklarashon kòrtiku ta bisa ku nan no ta apelá e skòrsmentu di e detenshon preventivo di Sevinger. “Pasobra e investigashon hudisial ta kasi kompleto.”
Ki dia Ministerio Públiko ta hiba e polítiko arubano dilanti wes, no ta konosí ainda. Otro siman tin e apelashon di un otro polítiko di e mésun partido AVP, esta èks minister Paul Croes. A konden’é pa estafa di pèrmit di trabou.