ORANJESTAD – Pa èks minister korupto Paul Croes ‘no tin lugá mas’ korte ta bisa, pa sirbi gobièrnu arubano awor ku el a ‘bergonsá e konfiansa asina tantu’ komo minister. E mester bai será tres aña.
Esaki ta un aña ménos ku korte a imponé anteriormente, kontra kua Croes a apelá. Pasobra un kantidat di echo kastigabel korte a haña ku a prueba nan insufisientemente. Pero e mayoria di e krímennan serio sí, manera pidi i duna soborno; mal uso di funshon pa propio ganashi; partisipashon na un organisashon kriminal, labamentu di plaka i malversashon.
Pensa tokante e siguiente pasonan
Despues di e huisio Croes ta laga sa ku ‘e ta desapuntá’ pasobra e ta haña ku korte no a tene sufisiente kuenta ku entre otro e ‘sirkunstanshanan inhumano den kua a deten’é’. No ta kla si e ta aseptá e veredikto. Croes a kontestá prensa lokal ku e ta bai reflekshoná huntu ku su abogado riba e ‘pasonan siguiente’.
Ministerio públiko ta yama e kastigu – ounke ku esaki a sali 1 aña mas abou ku e eksigensia i motivashon di korte ‘komprendibel i rasonabel.
Croes tabata minister di labor, hubentut i asuntunan sosial den e gabinete Eman II na 2013 te ku 2017. E no a estafá solamente ku dunamentu di pèrmit di trabou na migrante laboral. Ora polis a invadí na su kas, e famia tabatin un empleado venesolano ilegal den servisio pa kuida yu. A kondená su kasá tambe p’esaki.
Loke segun korte ‘ta mustra ku e sospechoso no tin niun idea kua normanan i responsabilidatnan ta bai huntu ku e puesto di minister ku a konfi’é kuné’.
Un parti grandi di kompania arubano a kumpra e minister, pa asina nan por tuma empleado strañero den servisio. Miéntras ku e maneho di gobièrnu añanan largu ta pa duna preferensia na empleado lokal i asina limitá e migrashon laboral.
Korte ta haña ku a prueba ku e mandatario arubano mes a pone preshon riba empresario (chikí) direktamente òf via un intermediadó. Esakinan a duna merkansia i sèn sin ku Croes tabata paga.
Mas kaso di korupshon
Banda di kastigu den sèl Croes no por tin un funshon polítiko pa ocho aña. Su èks kolega den gabinete Eman, Benny Sevinger, tambe ta sospechoso di korupshon, esta estafa ku tereno di gobièrnu. OM tambe ta investigando korupshon di un otro minister anterior, Otmar Oduber, di e gabinete Wever Croes 1 anterior.