Na desèmber di 2019 Girobank na Kòrsou a sera su portanan, pero for di un rapòrt di investigashon di Deloitte ta sali ku na 2010 kaba tabatin pregunta tokante e maneho di e banko. Kiko ta bai sosodé ku e resultadonan di e investigashon?
Banko Sentral di Kòrsou i Sint Maarten (CBCS) e siman ku a pasa a risibí e rapòrt di investigashon di Girobank N.V. i a kompartié ku e minister di Finansa di Kòrsou Javier Silvania. Den e rapòrt a nota tur e echonan ku a a sosodé promé ku e kaida di Girobank.
Rapòrt di investigashon independiente
Deloitte Forensic & Dispute Services B.V. Nederland a traha e rapòrt di investigashon independiente bou di òrdu di CBCS i estado Kòrsou. Deloitte na òktober 2020 a haña enkargo pa ‘hasi investigashon di e asuntunan na Girobank N.V. promé ku i durante e areglo di emergensia, inkluso e temporada anterior di – i rònt di – e banrun’.
E rapòrt no tin konklushon òf kualifikashon tokante e akshonnan di esnan envolví. Pa Banko Sentral ta importante ku a reuní i klasifiká e echonan metikulosamente i ku e mester por siña di esaki. Banko Sentral a laga sa ku lo palabrá tokante e rapòrt internamente promé pa mira kiko ta e pasonan ku ta sigui.
Un tragedia largu
Na 2010 Banko Sentral a ripará ku tabatin algu straño ta sosodé, ora ku e aña ei Girobank a haña un un akshonista grandi IIG Capital. For di e rapòrt di investigashon ta sali ku e departamento di Supervishon di Banko Sentral (i despues a resultá ku rason) tabata hasi pregunta kaba tokante e papel di ceo Eric Garcia den esaki.
Segun e diario Extra ku e benta ku IIG a atraé un grupo di bankero mafioso ku komo akshonista nobo no a invertí nada, sino a saka miónes sí for di e organisashon.
Un ‘rùn’ riba e banko
E relato ta konosí: Girobank for di 2013 pa motibu di mal maneho finansiero ta kai bou di un medida di emergensia di Banko Sentral. Na 2019 e banko ta sera su portanan. Esei a sosodé despues ku riba 9 di desèmber un ‘rùn’ riba e banko a tuma lugá i a sera tur sukursal i kuenta di banko.
Esaki a kousa pániko bou di e klientenan. Polis mester a saka algun di nan. Tres dia despues a pone un máksimo di 10 mil Naf i e banko a habri un tempu kòrtiku bou di kondishonnan severo. Despues e portanan a keda será.
E sekretario di estado di e tempu ei Raymond Knops (Relashonnan den Reino, CDA) na 2020 a mustra su malkontentu tokante e manera ku Kòrsou a trata e asuntu di Girobank. Pa kaba ku e likidashon di Girobank entretantu Hulanda a pone un fiansa sin interes disponibel di 170 mion florin.
A lanta Gi-Ro Settlement Holding (GSH) fin di 2020 pa manehá e kartera di fiansa. Persona i kompania ku tin un fiansa, mester paga e sèn bèk. Ku e ganashi e kuratórnan ta trata di paga e fiansa di Hulanda (parsialmente).
Kondena
Pa hopi hende na Kòrsou awor a bira tempu pa mira ken den e temporada largu ei entre 2020 i 2019 a kometé e erornan di mas grandi. Un persona ta será kaba: Na mei di 2019 a kondená e èks direktor di Girobank, e tempu ei na edat di 78 aña, na kuater aña di kastigu di prizòn pa malversashon di 11 mion dòler, falsifikashon di dokumentu i labamentu di plaka.
Garcia tabata direktor di Girobank na Kòrsou. El a haña e kastigu pasobra komo kuratòr den e fayesimentu di Banco Maracaibo na 2010 e mes a pasa un total di 11 mion dòler pa diferente kuenta di banko strañero.
Despues a usa esaki pa kumpra akshon di Girobank serka invershonista dubioso di IIG. I eksaktamente esei na 2010 a kondusí na e promé preguntanan kaba serka Banko Sentral ku tabata vigilá. Un pregunta importante p’esei ta: pakiko no a intervení mas trempan?
Rapòrt di investigashon independiente
E rapòrt di investigashon ta redaktá pa Deloitte Forensic and Dispute Services B.V. Nederland, bou di enkargo di CBCS i estado Kòrsou. Deloitte na òktober di 2020 a haña e enkargo pa ‘hasi investigashon di e asuntunan na Girobank N.V. i estado di Kòrsou.
Na òktober di 2020 Deloitte a haña e enkargo pa ‘investigá e asuntunan na Girobank N.V. delantá na i durante di e medida di emergensia, i e rapòrt no ta kontené konklushon òf kalifikashon tokante e aktuashon di esnan envolví. Pa Banko Sentral ta importante ku a klasifiká e echonan bon i ku e por i mester siña di esaki.
