For di 12 di desèmber por mira un seri dokumental impreshonante tokante e hóben karibense di 15 aña di edat Kerwin, ku a asesiná na na 1983 na Amsterdam pa motibu di su koló. Esaki a kondusí na protesta kandente na Hulanda.
Kerwin Duinmeyer, su mes nòmber ta Kerwin Lucas, ku esaki kontra di su boluntat a bira e íkono di violensia rasista. E seri Kerwin (NTR) ta un rekonstrukshon detayá di un asesinato hororoso i e impakto gigante di su morto riba hopi hende. Purly Lucas despues di 40 aña ta mira bèk riba e asesinato di su ruman Kerwin.
Di Kòrsou pa Amsterdam
E ruman ta hiba bo bèk na su hubentut i e momento ku e, huntu ku su ruman hòmber grandi i nan mama ta muda di Kòrsou pa Amsterdam. Aki Kerwin a sera amistat ku e mucha hòmber bisiña Eric Duinmeijer. Kerwin tabata pasa hopi tempu na kas di famia Duinmeijer.
Purly ta bishitá su tata na Kòrsou, ku nunka anteriormente no a papia tokante e pèrdida grandi di su yu hòmber. I e ta bai bèk na e kas i e kurá di famia Duijnmeyer, kaminda e portanan semper tabata habrí pa e rumannan.
Añanan 80
Den KERWIN tambe ta papia ku amigu di Kerwin, eks reshèrshi di polis i e bruder di e ambulans ku a hiba Kerwin hòspital. Ku e kombersashonnan aki i e imágennan di sine privá úniko di archivo di famia Duijnmeyer komo televidente bo ta haña un bon imágen di e Kevin alegre, spontáneo, tòf i di Amsterdam den añanan 80.
E amistat di dos tiner, e asesinato, e atenshon den media, rasismo, e protestanan kandente i e kaso den korte. Despues di 40 aña e relato di Kerwin ainda ta un relato urgente.
Por mira for di 12 di desèmber via NPO Start.
Kapítulo 1:Amor di ruman hòmber
Den e promé parti di KERWIN nos ta mira kon el a lanta na Kòrsou i kon e ta bai Hulanda ku su mama, su ruman hòmber i su ruman muhé. Den un tempu tumultuoso den kua derechismo ekstremo tabata lanta den komunidat, famia Lucas na Amsterdam a siña konosé famia Duinmeijer.
Kapítulo 2: E anochi fatal
Kiko eksaktamente a sosodé e anochi fatal ei? Na palabra entre otro e shofùr di taksi ku a mira Kerwin heridá ta kore yega riba Dam, e bruder di ambulans ku a hiba Kerwin hòspital i e dos èks reshèrshinan di polis di warda di polis na Warmoesstraat.
Kapítulo 3: Black is Beauty
E konmemorashon grandi. Un reflekshon riba e reakshonnan ferviente i e demonstrashonnan den komunidat ku a sigui despues di e asesinato di Kerwin. Sin ku e tabata ke el a bira e símbolo di violensia rasista i lástimamente despues di 40 aña ainda su relato ta aktual.