Na edat di 73 aña djaweps mainta 14 di desember e miembro di Staten di MFK i èks presidente di parlamento Amerigo Thodé a fayesé na Kòrsou. Segun su ko-partidario i minister di Enseñansa Sithree van Heydoorn e tabata un di e mihó analistanan polítiko na e isla.
Thodé tabata sinti malu basta tempu kaba, pero el a skohe di kontinuá ku su trabou den parlamento. Ta mir’é komo un di e miembronan di Staten ku eksperensia máksimo, i tabata apresi’é pa su konosementu di fail.
Thodé tabata haña trato médiko i despues a haña problema di kurason. Luna pasá ainda el a hiba palabra durante un debate ku minister Charles Cooper. Fin di novèmber a atmitié na CMC i un temporada kòrtiku e tabata den koma. Ora el a bini bei atrobe, e no por a bai bèk na su trabou kerí.
Godett i Schotte
Nunka Thodé no tabata un lider polítiko, pero si el a bira presidente di frakshon di e partido di mas grandi di Kòrsou, MFK. Promé ku esei añanan largu el a sostené Anthony Godett.
Den e temporada ei Thodé tabata un konsehero polítiko importante pa FOL, tempu ku 20 aña pasá e partido ei tabata esun di mas grandi di Antia Hulandes. Na 2010 Thodé a asistí Gerrit Schotte ora ku su MFK den e elekshonnan di 2010 a bira un hungadó polítiko grandi.
Nunka Thodé no tabata minister. Sí durante dos temporada polítiko (na 2012 i 2017) dos bia pa un temporada kòrtiku e tabata presidente di parlamento. Na 2021 el a bira lider di frakshon pa e partido.
Mienbro di Staten di MFK Ramon Yung djaweps a splika ku e partido espesialmente no por sin dje den Staten. “Thodé tabata masha bon den konosementu di fail. E por a introdusí i guia tur hende den e manera ku kos ta bai den parlamento. E tabata sa tur kos di e trabou. E frakshon di MFK na 2021 a haña sinku hende nobo aserka, ei e yudansa di Thodé tabata masha nesesario.
Skèrpi
Thodé tabata haña importante ku e wega polítiko ta kana korekto. Banda di bon konosementu di fail, Thodé por tabata skèrpi kontra su oponentenan polítiko. E tabatin un tono di debate duru i e por a keda mantené su ideanan polítiko. Su bos haltu, duru, tabata karakterístiko ora ku e tabata kuestioná desishon polítiko usando dokumento ofisial i tabata ekspresá su malkontentu.
E tabatin bon kontakto tambe ku hopi periodista karibense i no tabatin miedu di yama redakshon di korant si segun e, no a sit’é korektamente.
Na fin di 2015 a persiguí Thodé pa motibu di lèkmentu di un sekretu profeshonal. Na 2014 el a traha grabashon di un deliberashon sekreto. Su ko-partidario George Jamaloodin despues lo a transmití e grabashon di zonido aki via radio. A kondená Thodé ku un but kondishonal.
Ta un ehèmpel di su tenasidat ku el a laga e kaso bai te Korte Supremo, kaminda finalmente a mantené e kastigu.
Registro di Kondolensia
Den e último simannan na Kòrsou tabatin un apelashon masal pa resa pa Thodé. Ounke su fayesimentu no a bini ònferwagt, na Kòrsou a reakshoná emoshonalmente i ampliamente riba su morto.
Miembro di Staten Giselle McWilliam, lider polítiko di MAN, a skibi hopi riba su página di Facebook: Drumi dushi señor Thodé.
En bista di e fayesimentu di Amerigo Thodé parlamento di Kòrsou a habri registro di kondolensia. Por firma e registro di kondolensia den e lòbi di e edifisio prinsipal di Parlamento (BNA) na Wilhelminaplein for di djaluna awó dia 18 dezèmber te ku djárason 20 dezèmber 2023 entre 9or di mainta te ku 3or di atardi.
