WILLEMSTAD – Rafaely Molina di 17 aña di edat, un buskadó di asilo venesolano menor di edat, kuminsamentu di òktober ta hui for di Instituto Hudisial Hubenil di Kòrsou. Wardando su prosedura di asilo a sera Molina den isolashon, despues ku wes a husga ku no por ser’é mas den e prizòn SDKK.
Segun abogado Maya Elzinga-Soumah Kòrsou a krea un situashon insigur pa menornan di edat indokumentá. No ta komuniká e prosedura di asilo drechi ni pa menor di edat ni pa mayor di edat, asina defensor di pueblo di Kòrsou Keursley Concincion tambe ta bisa. Asina e organisashonnan envolví no sa ki prosedura nan mester sigui.
Molina riba 11 di aprel ta yega Kòrsou ilegalmente. Den un boto chikí, huntu ku 32 otro hende indokumentá venesolano. Na bordo tin dos otro menor di edat. No ta konosí kuantu menor indokumentá tin na Kòrsou aktualmente segun abogado Elzinga-Soumah, parti di e kolektivo di abogado ku ta hasi esfuerso pa e grupo aki.
‘Basta kòrtiku’
Concincion ta bisa ku ta poko tempu pasá numa a manda e prosedura di asilo pa menor di edat p’e di parti di Ministerio di Hustisia, Quincy Girigorie. E prosedura ta basta kòrtiku’, segun Concincion i partikularmente ta referí na e Tratado Internashonal di Derecho di Mucha (IVRK, Internationaal Verdrag voor de Rechten van het Kind). “Mi ta haña esaki un desaroyo positivo, pero tin espasio pa mehorashon, sigur den e kaso di menornan. Nan mester di protekshon èkstra kompará ku e mayornan di edat.”
Prosedura ta kontra Tratado di Derecho di Mucha
Human Rights Foundation Caribbean (HRFC) ta topa ku e problemátika aki na Kòrsou tambe: “Nos a papia ku algun mucha ku lástimamente no ta risibí e kuido médiko ku na lo mester haña, probablemente tin hopi mucha mas na Kòrsou ku e problemanan aki. Pero hopi bia e mayornan tin miedu pa bai instansha ofisial ku nan yunan pasobra nan tin miedu di ekstradishon”, segun Janice Tjon Sin Kie, bosero di HRFC.
Pa protehá e grupo aki bon ta importante ku nan tin mesun derechi ku kada mucha a base di e Tratado di Derechi di Mucha di NU ku espesialmente gobièrnu di Kòrsou ta hasi esfuerso p’e aktivamente. Den relashon ku esaki artíkulo 22 di e Tratado aki ta importante pa Kòrsou tambe (mira e kuadro).
Kontra e Tratado di Derechi di Mucha
Serka gobièrnu di Kòrsou tin un kantidat limitá di petishon pa asilo, pero demas sifra tokante e kantidat di mucha no ta konosí na HRFC. Tampoko HRFC no ta na altura di e maneho desaroyá spesífiko di Kòrsou pa buskadó di asilo di menor di edat sin otro hende huntu ku nan. Pa sera mucha menor di edat pasobra nan no tin un motibu bálido pa keda segun HRCF ta “flagrantemente kontra e Tratado di Derechi di Mucha di Nashonnan Uní”, segun Tjon Sin Kie.
Entretantu a arestá Rafaely Molina atrobe i a pone den prizòn hubenil. Minister di Hustisia Quincy Girigorie no a reakshoná riba pregunta tokante e prosedura di asilo pa menornan di edat
Artíkulo 22 Tratado di derechi di mucha | Refugiado menor di edat
Kada mucha ku ta buska asilo òf ku ta rekonosé komo refugiado, tin derechi riba protekshon spesial i asistensia, sea ku e ta su so òf huntu ku su mayornan. Gobièrnu ta hasi esfuerso pa buska e mayornan òf otro famia di mucha ku ta nan so i ku a hui. Si esaki no logra e mucha tin derechi riba e mésun protekshon ku tur otro mucha sin kuido di mayor.
