WILLEMSTAD – “Mi no por komprondé ku Hulanda ta eksihí e medida aki den e tempu aki”, un di e demonstrantenan kontra di e eksigensianan di Hulanda na Kòrsou pa haña e di tres tranche di fiansa di corona ta bisa. .”Nos ta sinti manera nos a bai bèk den tempunan kolonial.”
reportage van Kim Hendriksen
Sindikatonan i otro simpatisadó a subi kaya durante e bishita di trabou di sekretario di estado Raymond Knops di Asuntunan di Reino na Kòrsou. E trahadónan di kompania di shushi Selikor i prizòn SDKK tambe a kana den e demonstrashon. Nan ta haña ku no por ku e mandatario hulandes no a traha tempu pa papia ku parlamento kurasoleño.
E protesta tambe ta kontra e Entidat di Reformashon Karibense nobo ku Hulanda ke lanta. Ademas e kos a kai malu ku ta hulandes oropeo lo bai sinta aden. “Ta manera karnisero ta kùr su mes karni i esei no ta sinti bon’, segun un demonstrante.
E marcha di protesta a kaba ku entrega di un petishon na Knops. Esaki sinembargo ta ripití ku e yegada di e entidat nobo no ta negoshabel.
Staatssecretaris Knops over de nieuwe entiteit
Den e dos dianan na e isla e sekretario di estado a kana huntu tambe ku instanshanan di ayudo manera e banko di kuminda i Krus Kòrá. El a bisa ku el a ‘spanta’ di e pobresa ku nan a topa kuné
