DEN HAAG – Hulanda ta konfia ku den un luna i mei Aruba ainda lo drecha su finansa di gobièrnu. Asina sekretario di estado Raymond Knops (Relashonnan den Reino) a bisa djabièrnè despues ku Konseho di Minister di Reino a kaba.
sekretario di estado Raymond Knops despues Konseho di Minister di Reino
Un chèns mas na último momentu
Sekretario di estado Knops anteriormente tabatin e intenshon di duna gobièrnu di e pais un asina yamá ‘instrukshon’. Esaki por dedusí for di un kopia di un karta sekreto di gobièrnu hulandes na Konseho di Minister di Reino.
Un instrukshon ta e medida di mas pisá ku Hulanda por tuma pa forsa minister Wever-Croes di Aruba pa pone e finansa na òrdu.
Den un karta sekreto, ku e representantenan di Aruba, Kòrsou i Sint Maarten a risibí anteriormente e siman aki, na delaster momento a añadí un insiso skibí na man den kua ta menshoná ku Aruba ta haña e oportunidat te 30 di aprel.
Wèlga di hamber
Na aña 2014 èks promé minister Mike Eman a bai den wèlga di hamber despues ku su gobièrnu a haña un instrukshon for di Den Haag tokante e situashon finansiero di Aruba.
