ORANJESTAD – “Tin hopi daño kaba, pero si Jose tambe pasa mayan lo ta un desaster.”Walter Hellebrand di Monuments Foundation na Sint Eustatius a kaba di tira un bista pafó. E daño na kosta despues di orkan Irma ta grandi, hopi kas ta destruí i e bientu a basha palu di koriente abou.
Despues di Orkan Irma ta sigui un tempestat mas. Ta trata di tempestat tropikal Jose, ku segun espektativa lo bira un orkan.
No tin komunikashon
Komunikashon riba kasi tur e islanan a kai: ta via internet so por alkansá Hellebrand ainda. E no por alkansá su ruman ku ta biba na Sint Maarten. “Delaster kos ku mi a tende ta ku tabata impetuoso: tur kos ta destruí.”Hellebrand ta bira emoshonal ora e kòrda. “Durante orkan Luis na 1995 el a pèrdè tur kos. E mester a konstruí tur kos di nobo i awor esaki ta sosodé.”
Imágen: Walter Hellebrand
Pa orkan Irma a yega dieskuater marinir i militar èkstra di ehérsito na Sint Eustatius. Mas personal, material i otro rekurso ta na kaminda. No ta kla ainda kon grandi e daño ta riba e isla i si tin víktima.
‘Tur kos a kibra’
Koriente a bai kasi riba henter e isla. Awor Hellebrand ta espesialmente prekupá pa Jose: “Tur kos ta fofo i kibrá. Si awor un orkan mas pasa, e daño lo ta inimaginabel.”