WILLEMSTAD – Hopi tempu no tabata sigur si lo a pèrmití pa e hòspital nobo, Curaçao Medical Center (CMC), habri su portanan djabièrnè. Te mitar di diesun djaweps anochi numa Inspekshon di Salubridat Públiko a duna lus bèrdè pa muda e promé pashèntnan di Sehos pa CMC.
Poko tempu pasá un rapòrt di inspekshon di AT Osborn a lèk, kaminda a deskribí fayo na e edifisio nobo. Clifton Wallé, bosero di CMC: “Tabata trata di un rapòrt di algun siman pasá. AT Osborn for di kuminsamentu ta hasi inspekshon na e tereno di konstrukshon. Esaki ta un proseso kontinuo kaminda AT Osborn ta evaluá loke e kompania di konstrukshon Ballast Nedam ta entregá. E último rapòrt tabata esun di mas importante, ku kua nos lo a haña òf laga di haña lus bèrdè”, Wallé ta bisa.
Ballast Nedam mester kumpli ku mas ku 8000 punto. Esaki a logra kasi kompletamente, ainda tin un lista ku sobrá punto. E puntonan aki, pa por habri, no por a menasá seguridat di pashènt i kolaboradó.
Mas problema ku solamente un edifisio bieu
Na 1855 Iglesia Katóliko a lanta Fundashon Sehos. Awor, despues di 164 aña, tin un sentro médiko nobo. Un edifisio nobo tabata masha nesesario, pero hòspital ta lucha ku mas problema, manera un falta króniko di material pa motibu di défisit finansiero.
Na e seremonia, ku a tene djabièrnè meinta trempan, tabata presente entre otro minister di Salubridat, Medio Ambiente i Naturalesa (SMAN) Suzy Camelia-Römer, èks direktor di SEHOS Anthony Casperson i representantenan di e hòspitalnan bieu i nobo.
Defensa tambe tabatei: “Nos a duna sosten ku 45 militar mudando pashènt i material”, segun Canan Babaygit, bosero di defensa.
Minister di Salubridat Suzy Camelia-Römer durante di e apertura. Potrèt: Kim Hendriksen
CMC ta hür serka Sehos
Ku eksepshon di tres departamento hòspital a pasa pa e edifisio nobo. Entre otro e departamento di radioterapia ainda ta aksesibel na Sehos. Pashènt ku ya kaba tabata tuma radioterapia, ta kaba esaki na e mésun mashin. Pashènt nobo si lo trata mésora na CMC. Radiologia di intervenshon si ta haña na Sehos ainda, meskos ku e Cathlab (kardiologia). E último aki ta pasobra ainda no tin e aparatonan na Kòrsou. E departamentonan aki for di awor ta kai bou di direkshon di CMC si, ku ta hür e departamentonan di Sehos.
Sehos ta lucha ku un debe di miónes i kasi tabata fayit. Por ehèmpel ainda mester paga debe na por ehèmpel suministradó.
E hòspital nobo ta ofresé 150 kupo di trabou mas ku e hòspital bieu i a kanselá e sistema di klas. Tur kamber tin airconditioning i tin kamber di un, dos i kuater persona, no tin sala grandi di ocho persona mas, manera na hòspital bieu,
