Aruba no ta tene su mes na palabracion cu Hulanda, toch no ta bini un instruccion

18 February 2020 | Sharina Henriquez

ORANJESTAD – Aruba no ta tene su mes na e palabracionnan cu a haci cu Hulanda aña pasa y cu a pospone e menasa di un instruccion (aanwijzing). Toch aun Aruba no ta haya e instruccion ey.

Esaki a sali durante e bishita di e organo di supervision Caft na Aruba e siman aki. Na januari Aruba mester a caba di trata e presupuesto di 2020 den parlamento. Pero esaki no a sosode ainda. Ademas Caft ta bisa cu e concepto nobo pa un presupuesto cu el a mira awor, ‘ainda no ta suficientemente funda’.

E organo di supervision ta papia di un riesgo di 111 miyon florin cu Aruba ta pensa di haya na entrada e aña aki. Esakinan mester bini specialmente di introduccion di belasting nobo. pero te ainda gobierno no a dicidi nada tocante di esaki.

Ademas Caft ta haya – mescos cu e minister Hulandes Knops durante di su ultimo bishita na Aruba un luna pasa a bisa – gobierno Arubano mester corta riba su gastonan. Specialmente riba personal, algo cu te aworaki niun gobierno di e isla no a haci structuralmente.

Deadline
Con cu bay: no a alcansa e deadline di januari cu Knops na november di aña pasa a palabra cu prome minister Evelyn Wever-Croes. Pero toch ainda Conseho di Minister di Reino no a duna Aruba un instruccion.

Pakico Caft no ta conseha esaki awor, presidente Raymond Gradus awe tardi ta contesta cu nan ta trata ‘cu cuater punto’ cu e tempo ey a palabra den Conseho di Minister di Reino. Su colega Henk Kamp pa siguransa ta pas’e e carta. “Ey den tin para cu ta spera cu lo ta januari”, segun Gradus sugeriendo cu e deadline no ta masha fiho.

Pero den e entrevista cu Ret Karibense aña pasa tabatin cu minister Knops, esaki a bisa masha cla: “Januari pa mas tarda.”

Anto e presupuesto di Aruba ta seis luna tarda caba. Segun constitucion di e isla mester a entrega esaki na parlamento pa mas laat prome di september di e aña anterior.

Prome minister Wever-Croes hunto cu minister Knops – potret: John Samson A pospone e instruccion menasante Na november di aña pasa e prome minister Arubano a bula bay Hulanda pa evita un instruccon. Y esey a logra, bou di condicion di un cantidad di palabracion.