ORANJESTAD – E prome personanan cu lo haya e vacuna contra corona lo ta trahadonan den cuido, nos grandinan y esunnan cu ta vulnerabel pa motibo di nan salud (malo).
Esaki prome minister di Aruba ta contesta riba preguntanan di Ret Karibense tocante e maneho di reparticion di vacunanan contra Covid-19. Medionan rond mundo a trece e noticia dialuna cu tin un vacuna na caminda cu ta mustra hopi efectivo.
“M’a compronde cu Hulanda ya a inscribi pa haya e vacuna aki. Como Aruba bo por bisa nos ta lift mee”, asina prome minister Evelyn Wever-Croes ta indica. E prome vacunanan mester yega na 10% di e populacion riba e isla.
Aruba lo no ricibi mas, e ta splica, aunke nos isla a sufri mas compara cu Corsou y Sint-Maarten. “E prome ronde di vacuna nan lo reparti a base di e porcentahe di gruponan vulnerabel. Pregunta ta keda: con nos lo reparti e di dos ronde di vacuna bou nos populacion. Esaki nos no sa ainda.”
Despues e di dos ola di corona cumisando na augustus ultimo Aruba tin e cantidad di casonan y di morto (40) mas halto den e region Hulandes Caribense. Dado momento e grado di contagiosidad hasta tabata den e top mundial. Desde un par di siman e di dos ola ta birando mas chikito. Pero e prome minister ta adverti: “Nos no ta safe ainda y mester keda cauteloso.”