ORANJESTAD – Hulanda ta duna 15,2 mion euro na Aruba, Kòrsou i Sint Maarten pa yudansa di kuminda. Pa Aruba i Sint Maarten ta di kuater bia for di mei 2020 ku nan ta haña sèn di Hulanda p’esaki.
Pasobra e islanan aki a haña sla di mas duru pa motibu di e krísis di corona. Den e karta di sekretario di estado Raymond Knops (Relashonnan den Reino) na Tweede Kamer tokante e sosten nobo, e ta bisa ku awor ta yuda 80 mil hende ku yudansa hulandes.
Nunka no a duna e gobièrnunan di e islanan e sèn, sino semper a duna Krus Kòrá, ku, ku esaki, tambe ta kontribuí na programa di kuminda di organisashonnan di yudansa lokal. Hulanda a duna kasi 72 mion euro kaba i ku e delaster suma aki e islanan mester lora te fin di yüli.
Yudansa pa esnan indokumentá
Knops na yanüari kaba durante su bishita na Aruba a laga sa ku e islanan mes mester regla nan yudansa di kuminda. Den e karta na Kamer e ta skibi ku esaki mester ta tantu pa e habitantenan komo pa esnan indokumentá. “Pa e último grupo meta aki e paisnan ta pensa riba empeño di un NGO.
Pasobra gobièrnu di Aruba aña pasá a bisa ku nan no ta duna yudansa na esnan indokumentá i ku nan mester a bai buska yudansa na Krus Kòra numa. Krus Kòrá di Aruba ta bisa ku pa e temporada di febrüari – aprel nan a haña algu mas ku 10 mion euro. Pa mei te ku yüni ainda nan no a hasi petishon, pasobra nan ta warda e plan di gobièrnu arubano pa tuma e yudansa di kuminda ofer. E organisashon di yudansa ta bisa ku aktualmente nan ta yuda 10.500 kas, esta 26.250 hende.