ORANJESTAD – Miéntras ku ainda ta bui siudadano i ta duna nan but di 1000 florin si nan violá e toke de keda, no ta kastigá polítiko ku, ku nan aktividat di kampaña tambe ta violá e reglanan di corona.
Polis ta mèldu ku wikènt pasá nan mester a intervení 28 bia durante aktividat polítiko. Ta trata espesialmente di akshon di steker i pamflèt riba e kamindanan grandi i na bishita na kas òf di bario espesialmente organisá pa AVP i MEP. Aki a violá e reglanan di distansha i konkurensia. Tambe polis anteriormente asta mester a intervení den un akshon asina di e aktual minister di Salubridat Públiko.
Pero e aktuashon di polis te awor ta limitá na avisá e polítikonan i nan fanátikonan, i pa para e tipo di aktividat aki. Kontra prensa e hefe di kuerpo Vanessa Kock djárason 5 di mei ta bisa sí ku si sigui asina ‘polis mester tuma otro medida’. E ta papia di e posibilidatnan pa ‘oumentashon di medida’ i ‘aktuashon di polis ku hopi konsekuensha’. Pero Kock no ta splika kiko esaki ta enserá. Polis tin e outorisashon pa aktua mas severo, pero ke palabrá esaki internamente promé. Manera ku Ministerio Públiko.
‘Polis mester splika pakiko nan no ta aktua kontra polítiko’- Ministerio Públiko
Esaki ora puntra ta laga sa ku nan ta solamente determiná e altura di but. I ta imponé esakinan kontal ku polis ta mantené esaki. “Polis mester splika pakiko nan no ta aktua kontra polítiko ku ta violá e medidanan di corona. Pakiko nan ta hasi loke nan ta hasi, esei ta na polis pa kontestá.”
Entretantu den diferente parti di poblashon tin hopi krítika tokante pakiko siudadano i kompania ora di violá reglanan di corona si ta haña un trato mas severo. E hefe di kuerpo ta reakshoná ku e ta konsiente di e krítika. “Promé nos a skohe pa papia ku nan ( e partidonan polítiko) i hasi palabrashon tokante e hibamentu di kampaña den tempu di elekshon. Pasobra e reglanan ta konta sigur pa tur hende, polítiko i futuro polítiko. Tur mandatario tambe tin e ròl di polis den e tempunan aki. Nos ta investigá kon nos por anda ku esaki.”
Echo kastigabel mas pisáDespues di un brote grandi na Boneiru kuminsamentu di e aña aki tabatin hopi krítika tambe riba e aktuashon suak di polis kontra entre otro organisadónan di fiesta i otro evento. Finalmente a disidí di parti mas but i ku por trata organisadó pa un echo kastigabel mas pisá tambe. Esaki pasobra konsientemente nan ta pone salubridat di hende na peliger ku nan aktividatnan. |
Por lo pronto antó, polis ainda ta apelá na e ‘mente sano’ di e partidonan polítiko i nan partidario. Na bispu di un momento di elekshon importante i popular – e entrega di e lista di kandidato riba djabièrnè 7 di mei – tantu AVP i MEP ta laga sa ku nan no ta na altura di un eventual enfoke mas severo di polis.
‘Nos ta koperá den bon harmonia ‘- Robert Candelaria
E tono awor no ta diferente ku ora nos a reuní pa promé bia ku polis”, Robert Candelaria (AVP) ta bisa. “Nos no a haña keho di e komishon di polis. I si tin algu e presidente di komishon ta yamá mi na telefon mésora”, e presidente di partido Hendrik Tevreden (MEP) ta bisa.
Protesta kontra konteo elektróniko di voto serka parlamento
Candelaria ta rekonosé si ku nan mester a papia ku partidario i ku esaki no ta bai bon tur bia. “Polis a yama mi na telefon tambe tokante e akshon dilanti parlamento ayera (kontra e konteo di voto elektrónikamente). Esei en bèrdat tabata un kos fèrfelu, pasobra tabatin diferente partidario di AVP, kandidato i nos lider di partido tambe tabatei. Pero nos a intervení lihé.”
Segun e ta difísil pasobra di un banda e partido ke sali pa derecho importante, pero di otro banda e no ke pone hende na peliger. E polítiko no ta haña ku polis ta midi ku dos midí den mantenshon di e reglanan di corona. “Ta masha difísil pa nan pa haña un balansa sano entre e proseso polítiko i e reglanan di corona. Pero semper a papia nèchi ku nos i koperá den bon harmonia.”
Tevreden ta bisa tambe ku MEP tin bon kontakto ku polis. “Nos ta masha satisfecho.” Tokante e disiplina di su partidarionan e ta bisa ku esaki – ku eksepshon di un insidente ku a tuma lugá promé ku e palabrashonnan ku polis – a bai bon. “Nos mester bira mas severo sí awor ku nos ta progresá mas tantu den tempu di elekshon.” Tokante e intervenshon di polis serka diferente aktividat di e partido hel último wikènt, e ta bisa ku e no ta na altura.
‘Nos ta masha satisfecho’- Hendrik Tevreden tokante polis
MEP a apelá a su base polítiko pa e djabièrnè aki sigui e entrega di lista digitalmente. “Wak, si hende ke bin sostené den nan outo kantu di kaminda, esaki ta posibel. Basta nan no kousa fila i bai para huntu serka otro”, Tevreden ta bisa.
Pasa un ròndu na e distritonan
Riba 7 di mei diesdos partido polítiko ta entregá nan listanan di kandidato pa elekshon. E tradishon ta pa hasi esaki ku un grupo grandi festivo, pero pa motibu di corona esaki ta prohibí. Maksimalmente dos representante di e partido por entregá e listanan. E pregunta ta keda ku, mirando e kampañanan di e simannan ku a pasa i na kas serka hende, si esaki lo no atrae hopi hende tòg.
E promé minister i lider di MEP a anunsiá ku promé ku e entrega di su lista e ta pasa tur e distritonan di e kandidatonan pa elekshon. I AVP tambe ta hasi un gira pasa dies lugá.