ORANJESTAD – No tin lockdown ni toke de keda na Aruba ounke e isla tin un rèkert nobo d kontagio di corona. E Omikron hopi kontagioso ta e kousa; e variante aki aktualmente ta dominante na e isla, gobièrnu ta bisa.
Aruba den dos dia di tempu a haña mas ku 1100 kaso aserka i ku esaki awor di 2109 hende kontagiá, segun e último estadístikanan di gobièrnu. E tim di krísis ta ferwagt ku e kantidat den un tempu kòrtiku lo subi riba 3000. Tòg e medidanan nobo ku gobièrnu ta tuma for di mañan pa e próksimo dos simannan ta suave.
“Nos ta prekupá, pero nos ta keda buska e balansa entre salubridat, ekonomia i bienestar mental”, e promé minister arubano Evelyn Wever-Croes ta bisa.
Un otro motibu pa no introdusí regla strikto ainda ta ku na Aruba, meskos ku na henter mundu, e enfermedat di e hendenan kontagiá ku Omikron ta suave. E tim di krísis ta ferwagt ku e atmishonnan na hòspital lo ta mitar ménos ku den e di kuater ola ku e variante di delta.
Aktualmente tin ocho persona den hòspital, niun di nan den intensive care. Na Colombia sí ainda tin 3 pashènt di corona den ICU. E hòspital arubano HOH anteriormente a laga sa ku e chèns ta grandi ku es ku bira malu (no pashènt di corona tambe) – mester bai eksterior pa kuido. E kantidat di kama ainda ta skars pa motibu di e rekonstrukshon i ta falta personal. Pasobra tin kontagio tambe bou di e personal di ICU.
Si e situashon lo kambia esei e simannan binidero mester mustra, siruhano Yuri Casseres ta bisa na nòmber di e hòspital. “E mayoria a tèst positivo, nan ta hóben, entre 18 i 45 aña. Si aworó e gruponan di edat mas haltu ta na turno, e atmishonnan por subi atrobe.”
E reglanan di mas importante ku ta drenta na vigor awor, ta : ora di klousura di hóreka (ku eksepshon di kasino) lo bira un ora mas trempan (mei di anochi); den restorant maksimalmente 6 persona na 1 mesa; den bar maksimalmente 4 mesa di kuater persona; Hasi kompra solamente ta pèrmití pa un persona di un famia; bishita na kas di maksimalmente 60 persona paden i 75 pafó. deporte ta pèrmití pero sin públiko i entiero ku maksimalmente 75 hende presente.
E pagara tradishonal por send’é riba 31 di desèmber te 12 or di mèrdia i nightclub por keda habri komo eksepshon te 1 or di anochi durante kambio di aña.
Otro islanan tambe tin un oumento grandi
Na Boneiru a determiná Omikron for di djamars. E muestranan di tèst di e último dos siman a manda nan Aruba i den 17 di e sesenta kasonan ta trata di e variante nobo. Dòkter Michael Mercuur di e departamento di Salubridat Públiko, ta bisa ku e mayoria di e kasonan di Omikron ta trata di hende ku a kontagiá den eksterior. Te aworakí outoridatnan lokal no a hasi e medidanan mas severo.
Na Saba tambe tin un brote di 17 kaso i esei ta esun di mas grandi for di dia ku e pandemia a kuminsá. Isla bisiña Sint Eustatius no a mèldu kaso nobo ainda.