Tres èks kolaboradó di e departamento arubano di Salubridat Públiko lo a duna sentenar di prueba di bakunashon falsu durante e pandemia di corona.
E siman aki nan tabata pará dilanti wes pa promé bia. E kaso aki yamá Anglo ta asina grandi ku promé tin seshon pa por prepará tur kos bon.
Pasobra ta sospechá e tres personanan di ta forma parti di un organisashon kriminal ku den e temporada di mart pa desèmber 2021 a trafiká prueba di bakunashon. Tambe hustisia ta sospechá nan di aseptá soborno.
A hack e sistema di data
Pa por haña e pruebanan falsu, nan a hack e sistema di data pa mèldu bakunashon ku nunka no a duna. A tuma e tres empleadonan na trabou temporariamente pa sostené e departamento ku e kampañanan di bakunashon.
“E tempu ei nos tabatin mester di personal èkstra pa yuda nos i tin di nan lástimamente a malusá nan posishon di poder pa hasi loke nan a hasi”, segun e minister arubano di Salubridat Públiko Dangui Oduber.
Ainda no ta kla di kuantu prueba di bakunashon falsu ta trata. E minister ta bisa ku ta ‘ménos ku 800’. Ministerio Públiko ta laga sa ku e no ta dikta sentensia awor tokante e kantidat total. Kuminsamentu di otro luna e kaso lo kontinuá.
Anteriormente na yanüari un dies hende ku a kumpra e pruebanan di bakunashon falsu a haña un kastigu di trabou kaba. Ku un prueba asina por ehèmpel tabata fásil pa biaha, espesialmente pa pais ku tabata konsiderá bakunashon di corona obligatorio.
Lèkmentu di informashon di corona app
E departamento arubano durante e pandemia tambe a haña mal nòmber ora ku a resultá ku e informashon di e app di corona no tabata bon sigurá. Asina e informashon di desena di pashènt di corona a resultá riba kaya.